اونودساق، اودوزاجاییق*

عموم میللت و کوتله، تاریخی دردلری، مشقتلری و بلالاری تئز اونودوب و یئنی وضعیته عادت ائدرلر و تورک میللتی ده بو مساله دن استثنا دئیل. بو درد و بلالاری آیدینلار، یازارلار، هونر سئونلر، موسیقی چیلر گره ک اوز یازی و هونرلری ایله ابدی ائده لر. هر بلا و جنایت کی آتا بابالاریمیزین باشینا کئچه جکده گلیب اگر یاخشی داورانماساق ایندیده گله بیلر و نئجه ده کی یاخین تاریخ گوستریر کی بیزیم باشیمیزا گلن بلالار هر آن تکرار اولورلار. مثلا قاراباغ حادیثه سی کی 80 ایل بوندان اونجه اورمودا، سلماس و خوی شهرینده باشیمیزا گلن بلایا شباهتی واردیر و چوخ اوخشور. ولی بیزیم آتا و آنالاریمیز بوغملی گونلری چوخ راحاتجاسینا اونودوبلار و بیزه هیچ زاد بونلاردان دئمه ییبلر و ایسته ییبلر اوزلرینین تاریخی حافظه لرین سیلسینلر و بو بلالاری خاطیرلریندن حذف ائتسینلر و اوزلرین بو کابوسلاردان راحت ائتسینلر ولی هئچ واقت راحت اولماییبلار و بو آجی گونلر آیری نسیللرده و آیری گونلرده بیرداها تکرار اولوب.

ائرمنی، کورد و فارس نییه انوتماییب؟

بیزیم باشیمیزا گلن بلالار ائرمنی و کوردلردن چوخ اولوبدور ولی بیز راحاتجاسینا بونلاری اونودموشوق ولی ائرمنی و کورد هر مساله کی باشلارینا گلیب هر ایل اونون خاطیره سین توتوبلار تا اونودماسینلار چوخ دا بویودوب و شیشیردیبلرتا اوشاقلاریدا بیلسین کی اونلارین باشینا نه گلیب و دونیایا اوزلرین بیر مظلوم میللت کیمی تانیتدیربلار و تورکلری بیر ظالم انسان.
بودور کی اونلار ایندی موفق الوبلار کی بیر میللت کیمی ظاهر اولسونلار و میللتلشمه پروسسه سین یاخشی کئچیردیبلر ولی بیز هله چالیشیریق بیزی بیر میللت کیمی تانیسینلار ولی هله آخسیریق، نییه کی بیز اونودموشوق هر حادیثه نی و هر تاریخی مساله نی.
اورمو سوی قیمریمیندان ایکی ایل بوندان اونجه یه جان منیم خبریم یوخودور و یا اسمعیل سمیتقونون حادیثه سین چوخلاریمیز بیلمیردیک و ایندی انقلابین ایلک گونلرینده سولدوزدا باش وئرن حادیثه لردن چوخوموزون خبریمیز یوخدور و دوزگون بو حادیثه لر میللتیمیزه معرفی اولونماییب و یاواش یاواش یادیمزدان چیخیر کی باجی و قارداشلاریمیزین باشینا نه گلیبدیر و او قارا گونلرده اونلار نه چکیبلر.
حتی فارسلاردا میللتلشمه پروسسه سینی یالانچی حادیثه لری شیشیرتمه گینن و اوزلرین مظلوم گوسترمه گینن سرعت وئردیلر و هر بلانی عرب و تورکلرین بویونلارینا سالدیلار و یالان سوزلرینن اوزلرینه میللت قازاندیرلار ولی بیز واقعی و تاریخده باش وئرمیش حادیثه لری اونودوروق. من دئمیرم کی مساله نی شیشیردک ولی اوجور کی اولوبدور گره ک دئیله و یازیلا تا گلن نسیللر بیلسینلر کی آتا و آنا لاریمیزین باشینا نه لر گلیبدیر. بو ایش نه نفرت یارتماق اوچون و دشمن یاراتماق اوچو بلکه آجی و غملی حادیثه لرین قاباغین آلماق اوچون لازیمدیر.
بو یوز ایلده کی حادیثه لری گره ک اینجه صورتده آراشدیریلا و تانیتدیریلا و هامیمیز بو ایشده چالیشمالییق اگر ده کی بیز آز یوبانمیشیق ولی باشلامالییق بو 10 ایلده چالیشمالار اولوبدور ولی هله کافی دئیل. دکتر سرداری نیا بو یولدا چوخ زحمت چکیبدیر ولی بیر نفرین ایشی دئیل هامیممز ال اله وئرمه لییک.
گونئی و قوزئی آذربایجاندا باش وئرمیش بو یوز ایلده کی حادیثه لری هر ایل گونده مه گتیرمه لییک اوزه لیکله ایندی کی باتی آذربایجاند چوخلی تهدید گورونور و قاراباغدا داشناکلارین الینده دی و هر طرفدن دوشمانلارین طرفیندن محاصیره اولوروق. اونملی حادیثه لره آشاغیدا بیر گوز سالیریق:
1. اورمو سوی قیریمی: بو حادیثه هله میللتمیزیم ایچینده یاخشی تانینماییبدیر گون آز TV و اویرنجیسل نشریه لریمیز بو حادیثه نی گره ک گونده مه گتیرسینلر و بو حادیثه نی گورنلرین خاطیرلری یازیلسین و گلن نسیللره یادیگار قالسین.
2. سیمیتقو بلواسی: بو بلوانی لازیم قدره آراشدیرمالییق نییه کی هله کورد مساله سی باتی آذربایجاندا جانلی دیر. گون آز TV بو باره ده بیر جانلی یایین قویمالی و او حادیثه نی گورنلردن چاغیرمالییق کی خاطیرلرین دئسینلر.
3. خلق مسلمان حادیثه سی: بو حادیثه ده هله یاخشی معرفی اولونماییبدیر. کیملر او زامان قتل و غارت فرمان وئردیلر هله یاخشی بللی اولونماییبدیر و مساله قارانلیقدادیر. بو مساله چوخ اونملیدیر نییه کی او زامانین قاتیللرینین چوخی ایندی دموکراسی و اصلاحات کوینگی گئیبلر. بونلاری میللتیمیزه تانیتدیرمالییق.
4. خوجالی فاجیعه سی و قاراباغ....
5. قارایانوار
6. 21 آذز
7. سولدوز حادیثه سی
8. تبریزین 1374 سئچگیلر حادیثه سی
9. ...
عزیز اوخوجولار اورمو و قاراباغ حادیثه لری باره ده بو وئبلاگلارا باش وورا بیلرلر.
1.www.Dashnak.persianblog.com
2.http://zohre-vafayi.blogspot.com

ائلخان تورک اوغلو


* بو سوزو آلمان نازی لرینین قتلگاهیندان جان قورتامیش بیر یهودی قادین گنجلره سویله ییبدیر(اگر فراموش کنیم، محکوم به نابودی هستیم)