بابک قورولتائیندان سونرا نييله مه لييک؟
دورمامالييق، چاليشماق گره ک!

آذربايجان ميللی حرکتی مينلر نفرين سعی و تلاشينان بو يئره چاتيبدير و بو حرکت ايندی چوخ گوجلو و چوخ مسائله اثر قويان اولوبدی. و بو يولدا کی، وطن و ميللت يولودی مينلر نفر هزينه وئريب و وئرير. بو حرکتی قورويوب و يئرينه يئتيرمه لييق.
بابک قورولتائيندان سونرا نه ايشلر گورمه لييک؟
1. هر شهر ده بير آراشديرما مرکزی قورمالييق و کيفی نيرولار يارادمالييق:
آذربايجان ميلی حرکتی کمی نظرده ن چوخ گوجلی و قوی بير حرکتدير اما هله کيفی نظرده ن آخسيريق. و بيزه لازيمدير کی بو ضعفیميزی بيتيره ک. اونوندا يولو بودور کی هاميميز قلم اليميزه آليب و اوز دردلريمزی يازيب و يايمالييق و تئوری يارادمالييق نييه کی ايندی تئوری و نظريه زامانيدير نه ائدولوژی، اونلار کی دئييرلر کی آذربايجان ميللی حرکتينين ائدولوژی سی يوخدور زامانان چوخ دالی حرکت ائديرلر نييه کی ائدولوژی زامانی کئچيب و ايندی تئوری و نظريه زامانيدیر . همچنين ائدولوژی باعث اولار کی اينسان چوخ واقعيتلری و حقيقتلری ائدولوژيا قوربان ائتسين.
ايندی آذربايجان ميللی حرکتينين چاليشانلاری لازيمدير کی هر يئرده بير دوشونجه قوروپلاری(4 يا 5 نفر) ياراديب و اوز نظرلرينی توپلاييب و يايسينلار و اوزوموزده يئنی يارانميش تئکنولوژيدان دا فايدالانيب و اوز سوزلريميزی گئنيش شکيلده يايمالييق. هله گورونور کی ميلی حرکتين فعالارینين چوخو تايپ ائتمگی و اينتئرنتدن فايدالاناماقی باشارميرلار، او دوسلار کی باشاريلار لازيمدير کی آيريلارينا اويرتسينلر.
2. ژورناليستی قوروپلار يارانماليدير:
ميللی حرکتين دوزگون و حرفه ای ژورناليستی و خبر يازانی يوخدور و او قوروپلاردا کی ائدعا اديرلر کی ميللی حرکتين قاباقدا گئده نيديرلر اونلاريندا حرفه ای خبر يازان و يايانلاری نه ايچريده و نه ديشاريدا يوخلاريدی. لازيمدير کی ميلی حرکتين فعالار بير ژورناليستی دوره گورسونلر و او پارتی و گروهلاردا کی اللرينده ن گلير اصلی کادرلايندان سونرا لازيمدير کی هر شهرده بير و يا ايکی نفر ژورناليست تربيت ائتسين.
3. سنتی تبليغات روشلريندن فايدالانمالييق:
ايندی آذربايجاندا هامينين الی اينترنته چاتمير و اونلار کی آذربايجان يولوندا مبارزه ائديرلر لازيمدير کی سنتی روشلردن فايدالانسينلار. مثلا اونلار کی اينترنته اللری چاتير بعضی مقاله لری پرينت آليب و ميلتين ايچينده يايسينلار و يا بعضی اساسی شعارلاری ديوارلاردا يازيسينلار. ويا شبنامه و بيلديريش چاپ ائديب يايسينلار بونلارين اثری هله ده چوخدور.
4. هامی اوزه ل گونلريمیيزه و ميلی شخصيتلريميزين اولوم و دوغوم گونلرينه مراسيم توتمالييق:
ميلی حرکتين فعالاری هر شهرده و کنده کی ياشيرلار گره ک اوز شهرلرينده اولوب گئده ن ميلی شخصيتلريميزين مزارلارين تاپيب و اونا اولوم و دوغوم گونو مراسيمی توتسونلار.
هامی شاهيدير کی بابکين دوغوم گونو نئجه بير ميلی مباريزه گونونه چئوريليب، پس هامی قهرمانلاريميزی تانييب و اونلارين دوغوم و اولوم گونونه مراسيم توتمالييق و اودا هر شهرده و هر کنديده. بيزيم مينلر شاعير و يازان قهرمانيميز واردير کی اونلارا لازيمدير مراسيم توتوب و اونلارين آدين هامينين قولاغينا چاتديراق.
5. بعضی خاص گونلره آد وئريب و او گون چئشيدلی مراسيملر توتمالييق: مثلا: ماهی صيفته ميلی شاپالاق ورولان گونون آدين کولتوره ل تحقيرينن مباريزه ائتمک گونو قويا بيلريک(روز مبارزه با تحقير فرهنگی) . يا 24 آوريل گونون (روز مبارزه با تحريف تاريخ) و ساير گونلر کی اونلارا ياخشی آد قويوب و مراسيم توتمالييق.
بايکال قورد تکين